बाराको सुर्वण गाउँपालिका-३ पचगछियास्थित नेपाल-भारत सीमामा रहेको सशस्त्र प्रहरीको अस्थायी पोष्टमा भारतीय नागरिकले बिहीबार दिउँसो आक्रमण गरेका छन् ।

लकडाउनको समयमा नेपाल प्रवेश गर्न खोजेका दुई भारतीय नागरिकलाई सशस्त्र प्रहरीका सुरक्षाकर्मीले रोकेपछि उनीहरुसहित केही भारतीय नागरिकले सशस्त्र प्रहरीको पोष्टमा आक्रमण गरेका हुन् ।

नेपालतर्फ प्रवेश गर्न खोज्ने दुईजनालाई सशस्त्र प्रहरीले सीमाबाटै फर्काएपछि करिब एक सयको संख्यामा आएका भारतीय नागरिकले प्रहरी पोष्टमा क्षति पुर्‍याएको सशस्त्र प्रहरी उपरीक्षक दिगविजय सुवेदीले जानकारी दिए। भारतीय नागरिकले आक्रमण गर्न थालेपछि स्थिति नियन्त्रणमा लिन सशस्त्र प्रहरीले एक राउण्ड हवाई फायर गरेको छ ।

सीमा पारीबाट नेपालतर्फ आउन खोज्नेलाई रोकेर फर्काएपछि एक सयको संख्यामा भारततर्फका नागरिक आएर तोडफोड गरि अस्थायी पोष्टमा सामान्य क्षति भएको र स्थिति नियन्त्रणमा लिन एक राउण्ड हवाई फायर गरिएको सशस्त्र प्रहरी उपरीक्षक सुवेदीले बताए ।

जबरजस्ती नेपाल प्रवेश गर्नेलाई रोक्न खोज्न स्थिति केहीबेर तनावपूर्ण बनेको सुवेदी बताए । केहीबेरको तनावस्थित अहिले स्थिति सामान्य बनेको सुवेदीले जानकारी दिए।
अहिले स्थिति सामान्य छ भने क्षति पुगेको पोष्ट उनीहरुले नै बनाइदिने सीमामा खटिने भारततर्फका सीमा सुरक्षा बल (एसएसबी)ले जानकारी दिएका छन ।

कोरोना संक्रमण फैलन नदिन दुबै देशका सरकारले सीमा क्षेत्रमा कडाई गर्न निर्देशन दिएका छन् । तर खुल्ला सीमाको फाइदा उठाउँदै दुवै देशका नागरिकले आवतजावत गर्न खोज्दा सुरक्षाकर्मीसँग विवाद हुने गरेको छ ।

दुई दिनअघि बाराको बिश्रामपुर ४ बलिरामपुरमा खेतमा गएका स्थानीयलाई भारतीय एसएसबीका जवानले रोकेपछि स्थिति तनावपूर्ण बनेको थियो।

प्रतिक्रिया

सम्बन्धित खवर

ताजा समाचार

लोकप्रिय