बाराको निजगढ नगरपालिका– ६ मा मंगलबार बिहान स्कुल बसको ठक्करबाट बालकको घटनास्थलमै मृत्यु भएको छ । निजगढ नगरपालिकाको भित्रि सडक खण्डमा रहेको सडकटोलमा रहेको पानी ट्याङ्की नजिकै दुर्घटना हुदाँ ५ वर्षीय बालकको घटनास्थलमै मृत्यु भएको हो ।
ईलाका प्रहरी कार्यालय निजगढको अनुसार दुर्घटनामा परेर सिम्रौनगढ नगरपालिका घर भई हाल निजगढ नगरपालिका–६ सडकटोलमा बस्दै आएका राकेस राय यादबका ५ वर्षीय छोरा आयुष राय यादबको मृत्यु भएको हो ।
बिहान विद्यार्थी लिएर विद्यालय आउने क्रममा अभिभाबकले विद्यार्थी स्कुल बसमा चडाउने क्रममा संगै आएका बालक पछिडी पटिको बायाँ चक्कामा छिरेका रहेछन तर न मलाई थाहा भयो न अभिभाबकले नै थाहा पाए चालक राम बहादुर कार्कीले भने ।
दुर्घटनालगत्तै निजगढ– ७ स्थित बिद्यासगर ईंग्लिश बोर्डिङ स्कुलको प्रदेश–२–०३ ००१ क १०७३ नम्बरको स्कुल बस र चालक निजगढ– ९ घर भएका ५५ वर्षीय राम बहादुर कार्कीलाई नियन्त्रणमा लिएर घटनाको अनुसन्धान थालिएको प्रहरीले जनाएको छ ।
