मकवानपुरको आयोजनामा जारी राष्ट्रिय भेट्रान्स फुटबलमा निजगढ भेट्रान्सलाई टाइब्रेकरमा ४–३ ले हराउँदै नव जनजागृति भेट्रान्स सेमिफाइनलमा पुगेको छ ।

शनिवार भएको क्वाटरफाइनल खेलमा निर्धारित समय गोलरहित बराबरीमा सकिएपछि टाइब्रेकरमार्फत निर्णय लिइएको हो ।

टाइब्रेकरमा नव जनजागृतिको तर्फबाट सोनुकुमार क्षेत्री, कुमार श्रेष्ठ, ओमपाल बस्नेत र आरबी खत्रीको प्रहार गोलमा परिणत हुँदा निजगढका गोकुल खत्री, लिला राउत र निदिप जोशीको प्रहार गोलमा परिणत भएपनि विनोद खड्का र धनबहादुर लामाको प्रहारलाई नव जनजागृतिका गोलरक्षक कमल कार्कीले बचाएका थिए ।

यसैगरी शनिवार नै भएको अर्को फ्रिडम फाइटर्स काठमाडौं र नव जनजागृति भेट्रान्स सिमरा रोटरी क्लव अफ मकवानपुरको आयोजनामा जारी राष्ट्रिय भेट्रान्स फुटबल प्रतियोगिताको सेमिफाइनल प्रवेश गरेका छन् । प्रतियोगिता अन्तर्गत शनिबार भएको खेलमा हेटौँडाको नागस्वती भेट्रान्सलाई ५–१ ले हराउँदै फ्रिडमले अन्तिम चारमा स्थान बनाउन सफल भएको हो ।

फ्रिडम फाइटर्सको जितका लागी विकर्ण श्रेष्ठले दुई गोल गर्दा राजु तामाङ, तेजबहादुर बलामी र सरोज थापाले समान एक÷एक गोल गरे । यता नागस्वती भेट्रान्सका लागी लागि सुरेशकुमार श्रेष्ठले एक सान्त्वना गोल फर्काए ।

यस्तै शनिबार नै हुने भनिएको हरिवन भेट्रान्स सर्लाही र बगरभाई खलक पोखराको खेल वर्षाका कारण स्थगित भएको छ । यो खेल आइतबार विहान खेलाइने आयोजकले जानकारी दिएको छ । भदौ ३१ गतेसम्म सञ्चालन हुने प्रतियोगिताको विजेताले २ लाख २ हजार २२२ रुपैयाँ र उपविजेताले एकलाख १ हजार १११ रुपैयाँसहित ट्रफी, मेडल र प्रमाणपत्र प्राप्त गर्नेछन् ।