नेपाल रेडक्रस सोसाइटीको स्थापना दिवसको अवसरमा नेपाल रेडक्रस सोसाइटी निजगढ उपशाखाले बुधबार आयोजना गरेको रक्तदान कार्यक्रम सम्पन्न भएको छ। उक्त रक्तदान कार्यक्रममा ५६ जना व्यक्तिले रक्तदान गरेका छन्।
नेपाल रेडक्रस सोसाइटी निजगढ उपशाखाका सभापति रुद्रप्रसाद धितालले रक्तदान लगायतका सामाजिक कार्यहरु गर्दै आइरेहेको बताउदै बुधबार नेपाल रेडक्रस सोसाइटीको स्थापना दिवसको अवसरमा रक्तदान कार्यक्रम आयोजना गरिएको बताए। उनका अनुसार ७ महिला तथा ४९ पुरुष गरि ५६ जना रक्तदाताहरुले रक्तदान गरेका थिए । कार्यक्रममा नेपाल प्रहरी, सशस्त्र प्रहरीका प्रहरीले समेत रक्तदान गरेका थिए ।
निजगढ नगरपालिका ९ स्थित उपशाखाको भवनमा वृहत रक्तदान कार्यक्रम सम्पन्न गरेको हो । कार्यक्रममा निजगढ उपशाखाका निवर्तमान सभापति नारायण शर्मा, बासुदेब तिमल्सिना लगाएतको उपस्थिति रहेको थियो ।
