श्रीकृष्ण प्रणामी युवा परिषद नेपालको आयोजनामा शनिबार निजगढ नगरपालिका– ६ मा रक्तदान कार्यक्रम सम्पन्न भएको छ ।
‘दुर्व्यसनी त्यागौं, सेवामुखी बनौ’ भन्ने नारासहित श्रीकृष्ण प्रणामी युवा परिषद नेपालको आयोजना तथा नेपाल रेडक्रस सोसाइटी बिरगंजको प्राविधिक सहयोगमा रक्तदान कार्यक्रम गरिएको हो ।
सडकटोल प्रणामी मन्दिरमा भएको रक्तदान कार्यक्रममा ४६ जनाले रक्तदान गरेको आयोजक श्रीकृष्ण प्रणामी युवा परिषद नेपालका उपाध्यक्ष नबिन तिमल्सिनाले बताए । रक्तदान कार्यक्रममा ३८ जना पुरुष तथा ८ जना महिलाले रक्तदान गरेका थिए ।
श्री कृष्ण प्रणामी युवा परिषद नेपालका केन्द्रिय सदस्य दिपक सापकोटाको प्रमुख आतिथ्यता तथा श्रीकृष्ण प्रणामी युवा परिषद नेपालका अध्यक्ष जिबनाथ बन्जाराको अध्यक्षता सम्पन्न भएको थियो ।
कार्यक्रममा बित्तकवाचक शास्त्री घनश्याम अधिकारी, वडा नम्बर ६ का वडा अध्यक्ष घनश्याम तिमल्सिना, श्री कृष्ण प्रणामी युवा परिषद् मधेस प्रदेशका उपाध्यक्ष सङ्कलन तिमल्सिना, मधेस प्रदेश सचिव उमेश सापकोटा, कृष्ण प्रणामी सेवा समिति जिल्ला अध्यक्ष अर्जुन प्रसाद घिमिरे, युवा परिषद् बारा जिल्ला अध्यक्ष मोहन सापकोटा, निवर्तमान अध्यक्ष सुमन सुवेदी, बारा जिल्ला सचिव दीपक बजगाई, श्री कृष्ण प्रणामी मन्दिर सडकटोल सञ्चालक समितिका अध्यक्ष यादवकुमार तिमल्सिना, सचिव भीमप्रसाद सापकोटा, बाइजुराज महिला मण्डली अध्यक्ष कमला अर्याल लगाएतको उपस्थिति रहेको थियो ।
श्री कृष्ण प्रणामी मन्दिर सडकटोलको भवनका सम्पन्न भएको कार्यक्रमको संचालन युवा परिषद नेपाल प्रारम्भिक समितीका सचिव ईश्वर सापकोटाले गरेका थिए ।
