निजगढमा स्कुटी दुर्घटना हुँदा शनिबार एकजना घाइते भएका छन ।
पूर्वपश्चिम राजमार्गबाट निजगढ ७ स्थित नगरपालिका जाने बाटो हुदै निजगढ ६ सडकटोलतर्फ जादै गरेको प्र ३–०२४ प ३७९४ नम्बरको स्कुटी आफै अनियन्त्रित भई पल्टदा स्कुटी चालक निजगढ ६ सडकटोल बस्ने रोमप्रसाद तिमल्सिनाको छोरा वर्ष ३५ को कमल तिमल्सिना घाइेत भएको ईलाका प्रहरी कार्यालय निजगढले जानकारी दिएको छ ।
घाइते तिमल्सिनाको मुख र दाँया खुट्टामा चोट लागेको र सामुदायिक प्रसुति गृह अस्पतालमा उपचार भइरहेको प्रहरी निरीक्षक सुमित कुशवाहाले जानकारी दिए ।
यसैबीच जीतपुरसिमरा उपमहानगरपालिका वडा नम्बर १५ स्थित पूर्वपश्चिम राजमार्गको बाह् किलो जंगलमा कार र बस ठोक्किएर दुर्घटना भएको छ । सिमराबाट चपुरतर्फ आउदै गरेको बागमती प्रदेश ०१–०२५–च ४६८६ नम्बरको कार र निजगढबाट वीरगञ्जतर्फ जादै गरेको बा ४ ख २२३२ नम्बरको बस शनिबार बिहान ०९ः१५ बजे एक आपसमा ठोक्किएका हुन । दुर्घटनामा कारको अगाडिको दाँया भागमा क्षति पुगेको र मानवीय क्षति नभएको निजगढ प्रहरीले जनाएको छ ।
