![](https://nijgadhnews.com/wp-content/uploads/2024/03/Tiger-New.png)
निजगढ नगरपालिका वडा नम्बर ४ स्थित कछडिया सामुदायिक वनमा मंगलबार एउटा दुर्लभ पाटेबाघ मरेको छ ।
कछडिया सामुदायिक वनको छेउ बकैया खोला किनारमा वयस्क बाघ मृत फेला परेको सब डिभिजन बन कार्यालय तामागढीले जनाएको हो ।
बिहान स्थानीयवासी बाघ मरेको देखेपछि बनलाई खबर गरेको सब डिभिजन बन कार्यालय तामागढीका प्रमुख वन अधिकृत सुरेश भगतले जानकारी दिए ।
हेर्दा बाघको चार पाँच दिन अगाडी नै मरेको देखिन्छ । पोथी बाघ करिब ८ वर्षको रहेको र प्राय बाघ जुधेर मर्ने वा घाईते हुने गर्छ तर यो बाघ भने बूढो भएर मरेको अनुमान गरिएको छ ।
यो सँगै पछिल्लो एक महिनाको अन्तरालमा मात्रै बारामा दुई वटा बाघ मरिसकेको छ ।