बाराको निजगढमा भएको जंगलमा आगलागी नियन्त्रणमा आएको छ । जंगलमा आईतबार साझबाट आगलागी भएको थियो ।
निजगढ नगरपालिका–८ मा रहेको बकैया नागमणी सामुदायिक वनको जङ्गलमा लागेको आगो केहीबेर अगाडीमात्र नियन्त्रण आएको हो ।
जंगलमा अचानक लागेको आगलागी निजगढ नगरपालिकाको दमकलको सहयोगमा नेपाली सेना, सशस्त्र प्रहरी, नेपाल प्रहरी र स्थानीयवासीको पहलमा आगो नियन्त्रणमा लिइएको छ । सुरक्षा निकायले अग्नि नियन्त्रण सामग्रीको माध्यमबाट आगो नियन्त्रणमा लिन सफल भएको बताईएको छ ।
जंगलमा कस्ले लगाएको आगो भनेर पत्ता लागिसकेको छैन । यस जंगलमा गत वर्ष पनि आगलागी भएको थियो ।
