बाराको निजगढ नगरपालिका–९ स्थित गणेश चलचित्र मन्दिर नजिकै शनिबार साँझ मोटरसाइकल दुर्घटना हुँदा मोटरसाइकल चालक गम्भीर घाईते भएका छन भने मोटरसाइकलमा सवार एकजना सामान्य घाइते भएका छन्।
पुर्वपश्चिम लोकमार्ग स्थित निजगढ नगरपालिका क्षेत्रमा सडक डिभिजन कार्यलय हेटौडाले सडकको दुबै सडक फराकिलो बनाएको भएतापनि पुलमा आसपासमा हुने खतरामा ध्यान नदिएकै कारण दुर्घटना भएको हो ।
सडक फराकिलो भएतापनि पुल भने निकै साँघुरो हुदाँ पथलैयाबाट जनकपुर जादै गरेको प्रदेश २–००३–प ४२२३ नम्बरको मोटरसाइकल सडकबाट पुलमुनी खसेर दुर्घटना हुँदा मोटरसाइकल चालक जनकपुर घर भएका रवि शंखर साह गम्भीर घाइते भएका हुन् भने मोटरसाईकलमा सवार रोशन मण्डल सामान्य घाईते भएका हुन ।
घाइते दुबैको बयोधा अस्पताल बिरगंजमा उपचार भइरहेको छ । रोशन सामान्य घाइते छन् भने रविलाई गम्भीर चोट लागेको ईलाका प्रहरी कार्यालय निजगढले जनाएको छ ।
