युथ अफ निजगढको आयोजनामा हुन गईरहेको प्रि होली कन्सर्टमा गायक प्रमोद खरेल र गायीका रचना रिमाल निजगढ आउने भएका छन । प्रत्येक वर्ष गरिदै आएको प्रि होली कन्सर्ट यही फागुन २८ गते शनिबार निजगढ बैकुट हलमा हुन लागेको हो ।
राष्टिय कलाकार प्रमोद खरेल तथा रचना रिमाल र स्थानिय कलाकारहरुको साथ यस बर्षको प्रि होली कन्सर्ट गर्न लागिएको आयोजक युथ अफ निजगढका अध्यक्ष प्रकाश काफ्लेले जानकारी दिए ।
आठौं प्रि होली कन्सर्ट कार्यक्रमका लागि आवश्यक सम्पुर्ण तयारी पुरा भएको संस्थाका सचिब कमल पराजुलिले बताए ।
संस्थाले सोही दिन बिहान रक्तदान कार्यक्रम समेत आयोजना गरेको छ । रक्तदान कार्यक्रम बिहान ७ बजेदेखि सुरुहुने बताईएको छ ।
यस संस्थाले निजगढ नगरपालिकाका विभिन्न स्थानमा विविध धार्मिक, सास्कृतिक, समाजिक तथा परोपकारका कार्यक्रमहरु गर्दै आईरहेको छ ।
