ईलाका प्रहरी कार्यालय निजगढले लागूऔषध गाँजासहित निजगढको रतनपुरीबाट एक जनालाई पक्राउ गरेको छ । निजगढ नगरपालिका–१२ रामथली टोलका ६२ वर्षीय शेरबहादुर जिम्बालाई ५ केजी अवैध गाँजासहित प्रहरीले पक्राउ गरेको हो ।
रतनपुर तामागढी सडकखण्डस्थित जंगलमा गस्तीमा खटिएको प्रहरी टोलीले चेकजाँच गर्दा जिम्बाले पिठ्यूँमा बोकेको कालो रंगको झोलाभित्र बोरमा लुकाएर राखेको अवस्थामा गाँजा फेला परेको इलाका प्रहरी कार्यालय निजगढका प्रहरी निरीक्षक शंकरप्रसाद चौधरीले जानकारी दिए ।
रामथलीबाट पैदल हिडेर निजगढतर्फ आउदै गरेको अवस्थामा झोलामा गाँजा ल्याउदै गरेको अवस्थामा बुधवार बिहान ७.३० बजे जिम्मालाई पक्राउ गरिएको उनले जानकारी दिए ।
जिम्बामाथि बारा जिल्ला अदालतबाट म्याद थपको अनुमति लिई थप अनुसन्धान अगाडि बढाइएको निरीक्षक चौधरीले बताए ।
