प्रसिद्ध गायक निशान भट्टराई र गायिका अस्मिता अधिकारी हिजो निजगढमा आयोजना गरिएको सांगितिक कार्यक्रममा सहभागी हुुनुभएको छ । युथ अफ निजगढको आयोजनामा भएको प्रिहोली कन्र्सटमा गायक भट्टराई र अधिकारीले गायन प्रस्तुति गर्नुभएको हो ।

दुबैले आधा-आधा दर्जन भन्दा बढी गित गाउनुभएको थियो । कार्यक्रममा गायक भट्टराई र अधिकारीसंगै स्थानीय कलाकारहरुले पनि गायन प्रस्तुत गर्नुभएको थियो । निजगढ बै¨कुट हलमा आयोजना भइरहेको कार्यक्रममा दर्शक तथा स्रोताको खचाखच उपस्थिति रहेको थियो ।
युथ अफ निजगढले होली पर्वको अवसरमा प्रत्येक वर्ष गर्दै आएको प्रिहोली कन्र्सटमा यो वर्ष राष्ट्रिय कलाकारसंगै स्थानीय कलाकारहरुलाई पनि सहभागी गराइएको युथ अफ निजगढका अध्यक्ष ईराज कोइरालाले जानकारी दिनुभएको छ ।

यसैबिच, क्लबले हिजो बिहान आयोजना गरेको रक्तदान कार्यक्रममा एक दर्जन महिलासहित ७८ जनाले रक्तदान गरेका छन । निजगढस्थित सहिद चोकमा भएको रक्तदानमा रक्त संचार केन्द्र लहानको प्राविधिक टोलीको सहयोग गरेको थियो । क्लबले प्रि होली कन्सर्टको पुर्वसन्ध्यामा रक्तदान कार्यक्रम आयोजना गरेको हो ।

कार्यक्रममा निजगढ नगरपलिकाका प्रमुख सुरेश खनाल, उपप्रमुख लिलादेवी लामिछानेसहित स्थानीय जनप्रतिनिधि र समाजसेवीहरुको उपस्थिति रहेको थियो ।