हिमाल युवा क्लव तेस्रो निजगढ मेयर कप फुटबल प्रतियोगिताको सेमिफाईनलमा प्रवेश गरेको छ । शुक्रबार सम्पन्न दोस्रो क्वार्टरफाईनलमा रतनपुर युनाईटेड युथ क्लवलाई टाईब्रेकर पराजित ४—३ गोल अन्तरले गर्दै हिमाल प्रतियोगिताको सेमिफाइनलमा प्रवेश गरेको हो ।

खेलको निर्धारित समयमा दुवै टिमबाट गोल हुन नसकेपछि नतिजा टाईब्रेकरमा गएको हो । प्रतिस्पर्धात्मक खेलमा दुवै टिमका खेलाडीहरुबाट गोलकालागि प्रयास भएपनि सफल हुन सकेको थिएन । टाईब्रेकरमा हिमालका वर्षात लामाले दोहोरो पहेलो कार्ड सहित रातो कार्ड पाएका थिए भने विवेक लामा, अर्बिन कुमर र ईन्द्रीज खड्काले खड्काले पहेलो कार्ड पाएका थिए ।

प्रतियोगिता अन्तर्गत तेस्रो क्वार्टरफाईनलमा शनिबार एफसी कोलगाउ र योङ्गस्टार युवा क्लव बीच प्रतिस्पर्धा हुनेछ । कोलगाउ पहिलो चरणमा निजगढ वडा नम्बर ९ लाई पराजित गर्दै क्वार्टरफाईनल प्रवेश गरेको हो भने योङ्गस्टार चौतारा युवा क्लवलाई पराजित गर्दै क्वार्टरफाईनलमा प्रवेश गरेको हो ।

खेल शहिद हिरालाल रंगशालामा दिउसो २ः३० बजेदेखि हुनेछ । प्रतियोगिताको बिजेताले १ लाख रुपैंया प्राप्त गर्नेछ भने उपविजेताले ४५ हजार रुपैंया प्राप्त गर्नेछ ।