नगर स्तरीय तेस्रो मेयर कप फुटबल प्रतियोगिताको दोस्रो दिन्नको पहिलो खेलमा सिंगाैल एफ.सि ए टिमको सजिलै जित हासिल गरेको छ । सिंगाैल एफ.सि ए टिमले शान्तिटोलि युनाइटेड टिमलाई ६-० को फराकिलो अन्तरले जित हासिल गरेको हो ।
सिंगाैल एफ.सि ए टिमका सागर कुवरले ४ गोल गर्न सफल भएका थिए भने चाङ्बा वाइबा र अर्बिन्द थापाले एक एक गोल गरेका थिए ।
खेलको २४ औं मिनेटमा सिंगाैल एफ. सि ए टिमका मंगल सिङको प्रहार गोलरक्षकले रोक्ने क्रममा गोलरक्षकको हातबाट बाहिरिएको बललाई सागर कुवरले गोलमा परविर्तन गरेका थिए भने खेलको ४३ मिनेटमा अर्बिन्द थापाको पासलाई पुर्ण गोलमा परिवर्तन गरेका थिए यस्तै खेलको ४८ मिनेटमा सुबन सापकोटाको पासलाई गोलमा परिवर्तन गर्दै ह्याट्रिक गर्न सफल भएका थिए । उनले पुर्ण खेलको ६९ मिनेटमा रोशन थापाको क्रस पासलाई गोलमा रुपान्तरण गरेका थिए ।
यस्तै खेलको ५६ औं मिनेटमा चाङ्बा वाइबाले र ६२ मिनेटमा अर्बिन्द थापाले एक एक गोल गरेका थिए ।
यसपछिको खेल भने रतनपुर युनाइटेड युथ क्लब ए टिम र नमोबुद्ध आधुनिक क्लब बिच हुने छ ।
