उत्तरी मकवानपुरको भीमफेदीगाउँपालिका वडा नं.९ को गोलमोडमा सुमो दुर्घटना हुँदा एक जनाको मृत्यु भएको छ भने ९ जना घाईते भएका छन् । 

शनिवार राति काठमाण्डौंबाट हेटौंडा आउँदै गरेको ना.१.ज.४१३८ नंबरको टाटासुमो दुर्घटना हुँदा त्यसमा सवार १० जना घाईते हुँन् भने उनीहरू मध्ये एक जनाको मृत्यु भएको छ । 

अन्य घाईतेहरूको हेटौंडा स्थित चुरेहिल अस्पतालमा उपचार भईरहेको जिल्ला प्रहरी कार्यलय मकवानपुरका प्रहरी प्रवक्ता ईन्द्र बहादुर रानाले जानकारी दिएका छन् । 

उनका अनुसार दुर्घटनामा मृत्यु हुँनेमा सप्तरी जिल्लाका अन्दाजी ३३ वर्षीय  प्रमान्द चौधरी रहेका छन् ।  शनिवार राति हिउँमा चिप्लिएर सुमो आँफै अनियन्त्रित भई दुर्घटना भएको हुँन सक्ने ईलाका प्रहरी कार्यलय पालुङले जनाएको छ ।

शनिबार दिउँसो मकवानपुरको सिमभञ्याङ क्षेत्रमा हिमपात भएको थियो ।  शनिबार दिउँसो वर्षा सहिँत हिमपात भएको हो । थाहा नगरपालिकाको सिमभञ्याङ तथा दामान क्षेत्रमा सामान्य हिउँ परेको र शिखरकोट क्षेत्रमा असिना पानी सहित सामान्य हिउँ परेको थियो ।