नेपाल रेडक्रस सोसाइटी निजगढ उपशाखाको २४ औं वार्षिक साधारण सभा आज सम्पन्न भएको छ ।
उपशाखा अध्यक्ष नारायणप्रसाद उप्रतिको अध्यक्षतामा भएको सो सभाको उदघाटन कार्यक्रमका प्रमुख अतिथि रेडक्रस बारा जिल्ला शाखा समितिका उपमन्त्री कृष्णप्रसाद खरेलले गरेका थिए भने कार्यक्रममा उपशाखा सचिव रुद्र धितालले वार्षिक प्रगति प्रतिवेदन प्रस्तुत गरेका थिए ।
नेपाल रेडक्रस सोसाइटीको यशस्कर र विशिष्ठ सदस्यता प्राप्त गर्नेमा सभापति नारायणप्रसाद शार्मा, सचिव रुद्रप्रसाद धिताल, व्यवसायी गोपालकाजी श्रेष्ठ, शम्भुबहादुर बुढाथोकी, जनककुमार श्रेष्ठ, रत्नबहादुर बुढाथोकी र सागर तामाङ्गलाई प्रमाणपत्र वितरण गरिएको छ ।
त्यसैगरी उपशाखालाई विभिन्न मध्यमबाट सहयोग गर्ने एक दर्जन भन्दा बढी महानुभावलाई मायाको चिनो पनि प्रदान गरिएको छ ।
उपशाखा भवनको सभा हलमा भएको सो कार्यक्रममा जिल्ला समितिका उपमन्त्री खरेल, निजगढ नगर उद्योग बाणिज्य संघका ज्ञानेन्द्र चौलागाई, बाबुदेव तिमल्सिना, मिना लामा, जितलाल श्रेष्ठलगाएतले बोलेका थिए । कार्यक्रमको संचालन कल्पना खरेल र स्वागत मन्तव्य गंगा सिवाकोटीले गरेका थिए ।
