आज देशभर थप ४ सय ६४ जनामा कोरोना संक्रमण पुष्टि भएको छ ।
यससँगै कोरोना संक्रमितको संख्या २२ हजार २ सय १४ पुगेको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जनाएका छन् । यस्तै, आज ४ सय २५ जना डिस्चार्ज भएसँगै कोरोना मुक्त हुनेको संख्या १५ हजार ८ सय १४ पुगेको छ ।
नेपालमा हालसम्म कोरोना संक्रमणबाट ७० जनाको मृत्यु भइसकेको छ ।
काठमाडौं उपत्यकामा १०६ जनामा कोरोना संक्रमण पुष्टि
पछिल्लो २४ घण्टामा काठमाडौं उपत्यकामा १०६ जनामा कोरोना भाइरस (कोभिड–१९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार काठमाडौं जिल्लामा मात्र ९२ जनामा संक्रमण पुष्टि भएको छ । ललितपुरमा १० र भक्तपुरमा ४ जनामा संक्रमण पुष्टि भएको छ ।
