बारामा थप १ जनामा आज कोरोना संक्रमण पुष्टि भएको छ ।

जिल्ला प्रहरी कार्यालय बारामा कार्यरत सर्लाही ठेगाना भएका बर्ष ४९ का प्रहरी नायब निरीक्षक कोरोना सक्रमित पुष्टि भएको हो ।

अहिले उनलाई कलैया अस्पताल लैजाने तयारी भइरहेकै छ तर उनको विवरण भने सर्लाहीको सुचिमा राखिएको छ ।

उनको जेठ ७ गते स्वाब संकलन गरी परीक्षणका लागि काठमाडौंको टेकुस्थित केन्द्रीय प्रयोगशाला पठाइएको थियो ।

अहिले उनको प्रत्यक्ष सम्पर्कमा आएका व्यक्तिको खोजी कार्य भइरहेकै बाराका प्रमुख जिल्ला अधिकारी रुद्रप्रसाद पण्डितले जानकारी दिए ।

यसअघि मुद्दा शाखामा कार्यरत प्रहरी जवानमा जेठ ३ कोरोना संक्रमण पुष्टि भएको थियो । पहिलो संक्रमित जवानको कन्ट्याक ट्रेसिङको आधारमा उनको स्वाब जेठ ७ गते संकलन गरी परीक्षणका लागि पठाइएको थियो । उनी प्रहरीका लागि निर्माण गरिएको बालमन्दिर आइसोलेसनमा बस्दै आएका थिए ।

यो संगै बारामा कोरना संक्रमितको संख्या १३ पुगेका छ जसमध्ये २ जना संक्रमण मुक्त भएर घर फर्केका छन भने १० जना कलैया अस्पतालमा र १ जनालाई विरगज स्थित नारायणी उपक्षेत्रीय अस्पतालमा उपचार भइरहेकै छ ।

हालसम्म जीतपुर सिमरा उपमहानगरपालिकामा १, सिम्रौनगढ नगरपालिकामा ७, बिश्रामपुर गाँउपालिकामा १ र कलैया उपमहानगरपालिकामा रहेको जिल्ला प्रहरी कार्यालयमा २ जना र करैयामाई गाँउपालिकामा २ जनामा भेटिएको छ ।