नेकपा एमाले निजगढ नगर कमिटीले शुक्रबार निजगढको सिगौलमा कार्यकर्ता प्रशिक्षण कार्यक्रमको आयोजना गरेका छ । एमाले निजगढ नगर कमिटीले वडा नम्बर १, २ र ३ का कार्यकर्ताहरुको लागि प्रशिक्षण कार्यक्रमको आयोजना गरेको हो ।
एमाले केन्द्रीय कार्यालय सचिव शेरबहादुर तामाङ्गको प्रमुख आतिथ्यतामा भएको सो कार्यक्रममा एमाले केन्द्रीय सदस्य अच्युत मैनाली, वलबीर चौधरीलगायतले कार्यकर्तालाई प्रशिक्षण दिएका थिए ।
कार्यक्रममा बोल्दै नेता तामाङ्गले एमाले विभाजनको घटना दुखद भएको भन्दै कार्यकर्तालाई विचलित नहुन आग्रह गरेका थिए । वरिष्ठ नेता माधव नेपालले एमाले विभाजन गरेर नेकपा एकिकृत समाजवादी पार्टी गठन गरेपछि एमालेले निजगढमा पहिलो पटक कार्यकर्ता प्रशिक्षण कार्यक्रम आयोजना गरेको हो ।
नगर अध्यक्ष दिलबहादुर लामाको सभापतित्वमा भएको कार्यक्रमको संचालन विदुरलाल श्रेष्ठले गरेका थिए ।
