निजगढ । नेपाली कांग्रेस निजगढमा विभिन्न पार्टी परित्याग गरी ६७ जना प्रवेश गरेका छन् । नेपाली कांग्रेसको घर घर जाऔ, कांग्रेस जिताऔ अभियान अन्तर्गत नेपाली कांग्रेस निजगढ वडा नम्बर २ कार्य समिति भरतगन्ज सिगौलले शनिबारबाट सुरु गरेको अभियानमा करिब ६७ जना नेपाली कांग्रेस पर्टी प्रवेश गरेका हुन । अभियानको शुरु भएकै दिन उनीहरु प्रवेश गरेका हुन ।

नवप्रवेशीलाई निजगढ नगरका पुर्व नगर सभापति एवम नगरप्रमुख सुरेश कुमार खनाल, नेपाली कांग्रेस प्रदेश बारा क्षेत्र नम्बर १ प्रदेशसभा क का सभापति टेक बहादुर लामा, नेपाली कांग्रेस निजगढका सभापति नवराज तिमल्सिना, महिला नेतृ माला लामा लगायतका नेताहरुले स्वागत गरेका थिए ।

अभियानको शुरुवात कार्यक्रमलाई सम्बोधन गर्दै निजगढका नगरप्रमुख खनालले निजगढ नगरपालिकाको स्थानीय तह निर्वाचनमा नेपाली कांग्रेसनै विजयी हुने दाबी गरे ।

नेपाली कांग्रेस निजगढ वडा नम्बर २ का सभापति हेम बहादुर बिष्टको सभापतित्वमा सम्पन्न कार्यक्रममा नगरउपसभापति राजु श्रेष्ठ, सचिब मधु तिमल्सिना नेता भरत राउत लगायत नेपाली कांग्रेस निजगढ नगर कार्यसमितिका पदाधिकारी र स्थानीय नेता कार्यकर्ताहरुको सहभागिता रहेको थियो ।