निजगढ नगरपालिका वडा नम्बर ५ बागदेबस्थित सार्वजनिक माध्यमिक विद्यालयको ५७ औं जन्मजयन्ति तथा अभिभावक दिवस कार्यक्रम सम्पन्न भएको छ ।
विद्यालयको ५७ औं जन्मजयन्ति तथा अभिभावक दिवसको अवसरमा आयोजना गरिएको कार्यक्रममा विद्यालय व्यवस्थापन समितिका अध्यक्ष दुर्गा प्रसाद गौतमको अध्यक्षतामा भएको कार्यक्रममा निजगढ नगरपालिकाका मेयर सुरेशकुमार खनाल, उपमेयर लिलादेबी लामिछाने, वडा नम्बर ५ का वडा अध्यक्ष थल प्रसाद गौतम, वडा नम्बर ४ का वडा अध्यक्ष जयराम कुवर, वडा नम्बर ६ का वडा अध्यक्ष कुशबहादुर थापा पुर्ब प्रधानाध्याापक सुर्दाशन प्रसाद कोइराला लगायतले विद्यालयको प्रगतिकोलागि शुभकामना व्यक्त गर्नु भएको थियो ।
कार्यक्रममा विद्यालय व्यवस्थापन समितिका अध्यक्ष गौतमले विद्यालयको शैक्षिक तथा भैतिक प्रतिवेदन पेस गर्नुभएको थियो । प्रधानाध्यापक हस्तबहादुर लामाले स्वागत मन्तव्य दिनुभएको कार्यक्रमको संचालन विद्यालयका शिक्षक भोला प्रसाद चौलागाई र बालकुमारी सिंजालीले गर्नुभएको थियो ।
कार्यक्रममा विद्यालयका छात्रछात्राहरुले गीत, नृत्य तथा प्रहसनसमेत प्रस्तुत गरेका थिए ।
